Қазақстан Республикасының Ресей Федерациясындағы Елшілігі

МАҚСАТЫ:

Құжаттарды заңдастыру құжаттарды басқа мемлекетте пайдалану мақсатында лауазымды адамның қойған қолы мен құжаттардағы мөрдің түпнұсқалығын белгілеу және куәландыру болып табылады.

Құжаттарды заңдастыруды:

• Қазақстан Республикасынан тыс жерлерде – Қазақстан Республикасының шет елдердегі мекемелері;
• Қазақстан Республикасының аумағында – ҚР Сыртқы істер министрлігінің Консулдық қызмет департаменті (Астана қ.), ҚР Сыртқы істер министрлігінің Алматы қаласындағы өкілдігі жүзеге асырады.

ҚҰЖАТТАР ТІЗІМІ:

• Жеке тұлға үшін:

1. еркін нысандағы өтініш;
2. жеке басын куәландыратын құжаттың көшірмесі (салыстырып тексеру үшін түпнұсқасы) немесе цифрлық құжаттар сервисінен электрондық құжат (сәйкестендіру үшін)
3. заңдастыруға жататын құжат;
4. консулдық алымның төленгенін растайтын құжат
5. өкілеттікті растайтын құжат (көшірмесі, салыстырып тексеру үшін түпнұсқасы) (Көрсетілетін қызметті алушы жеке өзі немесе оның заңды өкілі өкілдік етуге құзыреттілігін растайтын құжаттарды ұсына отырып жүгінеді).

• Заңды тұлға үшін:

1. еркін нысандағы өтініш;
2. өкілетті тұлғаның жеке басын куәландыратын құжаттың көшірмесі (салыстырып тексеру үшін түпнұсқасы) немесе цифрлық құжаттар сервисінен электрондық құжат (сәйкестендіру үшін);
3. заңдастыруға жататын құжат;
4. консулдық алымның төленгенін растайтын құжат;
5. заңды тұлғаның мемлекеттік тіркелгенін (қайта тіркелгенін) растайтын «электрондық үкіметтің» ақпараттық жүйесінен мәліметтер не заңды тұлғаның құқық қабілеттілігін растайтын өзге де құжат (шетелдіктер үшін);
6. өкілеттікті растайтын құжат (көшірмесі, салыстырып тексеру үшін түпнұсқасы) (Көрсетілетін қызметті алушы жеке өзі немесе оның заңды өкілі өкілдік етуге құзыреттілігін растайтын құжаттарды ұсына отырып жүгінеді).

ЗАҢДАСТЫРУҒА ЖАТАТЫН ҚҰЖАТТАР ҮШІН ТАЛАПТАР

• Заңдастыруға құжаттардың тұпнұсқалары, сондай-ақ олардың нотариалдық куәландырылған көшірмелері қабылданады.
• Шетелдік ұйымдар мен мекемелер берген құжаттар мемлекеттік немесе орыс тіліне аударылуы және оларды аудармашы немесе аударма қызметтерін көрсететін ұйым куәландыруы тиіс.
• Қазақстан Республикасының нотариустары куәландырған және Қазақстан Республикасының тысқары жерлерде әрекет жасауға арналған құжаттар Қазақстан Республикасы Әділет министрінің 2012 жылғы 31 қаңтардағы № 32 бұйрығымен бекітілген Нотариаттық іс жүргізу жөніндегі ереженің 10-тарауында бекітілген талаптарға сәйкес болуы тиіс.
• Заңдастыруға жатпайтын құжаттар:

1. уәкілетті тұлғаның қолы мен мөрі жоқ құжаттар;
2. уәкілетті тұлғаның қолы мен мөрі бастапқы құжатында қойылмаған құжаттардың нотариалды куәландырылған көшірмелері мен аудармалары;
3. электрондық құжаттар;
4. туу туралы куәліктен басқа, жеке басты куәландыратын құжаттардың түпнұсқалары.

ҚЫЗМЕТ КӨРСЕТУ МЕРЗІМІ:

• 3 (үш) жұмыс күні.
• 30 (отыз) күнтізбелік күн, қосымша зерделеу немесе тексеру жүргізу қажет болған жағдайда.
  

МЕМЛЕКЕТТІК ҚЫЗМЕТТІ КӨРСЕТУДЕН БАС ТАРТУДЫҢ НЕГІЗДЕРІ

• көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;
  2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған деректердің және мәліметтердің осы Қағидалардың талаптарына сәйкес келмеуі;.
  3) көрсетілетін қызметті алушының мемлекеттік қызмет көрсету үшін талап етілетін, "Дербес деректер және оларды қорғау туралы" Қазақстан Республикасы Заңының 8-бабынасәйкес берілетін қолжетімділігі шектеулі дербес деректерге қол жеткізуге келісімнің болмауы.

КОНСУЛДЫҚ АЛЫМ ТӨЛЕМІ:

• Төлемақы әрбір заңдастырылатын құжатқа жеке алынады.
• Төлемақы заңдастырылатын құжат иесінің атынан жүзеге асырылады.
• Сомасы – 1980 ресей рублі
  

КЕЗЕКТІ ОНЛАЙН БРОНДАУҒА СІЛТЕМЕСІ

https://www.kazembassy.ru/rus/select_city

КОНСУЛДЫҚ БӨЛІМІНІҢ КЕСТЕСІ

күн сайын (сәрсенбі, сенбі, жексенбі және мереке күндерінен басқа) сағат 09.30-дан 12.30-ға дейін

ШЕТЕЛДІК РЕСМИ ҚҰЖАТТАРДЫ ЗАҢДАСТЫРУ ТАЛАПТАРЫН ЖОЯТЫН КОНВЕНЦИЯ

• Қазақстан Республикасы 1961 жылғы шетелдік ресми құжаттарды заңдастыру талаптарын жоятын Гаага конвенциясының мүшесі болып табылады.
• Қазақстан Республикасы шетелдік ресми құжаттарды заңдастырылуын талап етуді жоятын Гаага конвенциясына мүше мемлекет болып табылады. Гаага конвенциясына сәйкес, бір мемлекеттің құзыретті органдарымен жасалған және Гаага конвенциясына қатысушы басқа да мемлекеттің аумағында қолдануға жататын құжаттарға «апостиль» мөрі қойылады. Гаага конвенциясына мүше мемлекеттердің бірінде құжат апостильмен бекітілген жағдайда, ол басқа конвенцияға мүше мемлекетінде ешқандай шектеусіз қабылданады.

1961 жылғы Гаага конвенциясының қатысушы-мемлекеттер:

 ТІЗІМГЕ ҚАТЫСТЫ СҰРАҚТАР ТУЫНДАҒАН ЖАҒДАЙДА

сенім телефонына хабарласыңыз:+7 925 897 71 14 (доб.3) 09.00-ден 18.00-ге дейін және/немесе E-mail: consul.moscow@mfa.kz.