Студенттерге арналған пайдалы ақпарат

Ресей ЖОО-да оқитын қазақстандық студенттердің назарына!

Ресейге кірген кезде күндізгі және кешкі бөлімде оқитын студенттер көші-қон картасын толтырып, келу мақсатын "оқу" деп көрсетуі керек. Келу мақсатының басқа түрлерін көрсету Ресей Федерациясының көші-қон заңнамасын бұзу болып табылады.

Міндетті әлеуметтік медициналық сақтандыру туралы

Қазақстан Республикасының "Міндетті әлеуметтік медициналық сақтандыру туралы" Заңының 26 – бабы 1-тармағының 13 тармақшасына сәйкес орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алып жатқан адамдар үшін міндетті әлеуметтік медициналық сақтандыруға (бұдан әрі-МӘМС) жарналарды мемлекет тарапынан жүзеге асырылады.

Қазақстан-Ресей ынтымақтастығы жоғарғы білім беру саласында белсенді дамып жатыр болады

Қазақстан мен Ресей арасындағы Үкіметаралық келісімдер аясында 2003 жылдан бастап Ресей Федерациясы Қазақстан Республикасы азаматтарына арнайы оқу гранттарын бөліп келеді. Шетелдік ғалымдар мен кеңесшілерді тарту бағдарламасы бойынша ресейлік оқу орындарындағы атақты ғалымдар да шақырылады.

Ресейдегі қазақстандық студенттерге жадынама

Құрметті студенттер – Қазақстан Республикасының азаматтары!

Ресей Федерациясындағы Қазақстан Республикасы Елшілігінің Консулдық бөлімі Ресей Федерациясына оқуға келген Қазақстан Республикасы азаматтарын уақытша консулдық есепке тұруын өтінеді.