Мәдени-әлеуметтік ынтымақтастық

2021 жылдағы Қазақстан және Ресей мәдени-гуманитарлық ынтымақтастығы

2021 жылы мәдениет саласында көптеген іс-шаралар өткізілді, олардың ішіндегі ең негізгілері:

- 18 қаңтарда Мәскеуде Қазақстанның Ресейдегі Елшілігінде "Болашақ" бағдарламасының стипендиаттары және Мәскеудегі университеттерде оқитын қазақстандық қауымдастықтардың жетекшілері Мемлекет басшысы Қасым-Жомарт Тоқаевтың VII шақырылған Қазақстан Республикасы Парламентінің бірінші сессиясының ашылуында сөйлеген сөзіне арналған дөңгелек үстел өткізді. 

- 16 ақпанда ҚР-ның РФ-дағы Елшісі Е.Көшербаевтың Ресей Федерациясының спорт министрі О.Матыциннің ТМД-ға мүше мемлекеттердің елшілерімен кездесуіне қатысуы. 

- 17 ақпанда Қазақстанның Ресейдегі Елшісі Ермек Көшербаев Ресей ағарту министрінің бірінші орынбасары Дмитрий Глушкомен кездесті. 

- 25 ақпанда ҚР РФ Елшілігінде кеңесші-уәкіл Еркін Тұқымовтың РФ СІМ Дипломатиялық академиясының бірінші проректоры Сергей Алтунинмен кездесуі өтті. 

- 1 наурызда ҚР-ның РФ-дағы Елшілігінің дипломаттары Әлихан Бөкейхановты еске алды. Олар Донской зиратындағы сталиндік репрессия құрбандары жерленген ортақ қабірге гүл шоқтарын қойды. 

- 3 наурызда ҚР-ның РФ-дағы Елшілігінің дипломаттары Мәскеудегі Б.Момышұлы атындағы мектепте болды. 

- 26 наурызда ҚР-ның РФ-дағы Елшілігінің дипломаттары ГУЛАГ тарихы музейінде болды. 

- 29 наурызда ҚР-ның РФ-дағы Елшілігінде сыртқы саясат бойынша кадрларды даярлау саласындағы ынтымақтастық мәселелері талқыланды. 

- 3 сәуірде ҚР-ның РФ-дағы Елшілігінің дипломаттары Мәскеудегі Үлкен театрдың тарихи сахнасында классикалық өнер саласындағы "Bravo" халықаралық кәсіби музыкалық сыйлығын тапсырудың үшінші рәсіміне қатысты. Сыйлық серіктес елдердің ең танымал классикалық орындаушылары номинациясында қазақстандық опера әншісі М.Мұхамедқызына берілді. 

- 22 сәуірде Мәскеуде Қазақстанның Ресейдегі Елшілігінде Жеңіс Күні қарсаңында Ұлы Отан соғысы кезінде қаза тапқан қазақстандықтарды еске алу шарасы өтті. 

- 23 сәуірде қонақта танымал қазақстандық "Mezzo"вокалдық тобы болды. Бір күн бұрын Елшіліктің қолдауымен Мәскеудегі Ұлттар үйінде олардың концерті өткен болатын. 

- 23 сәуірде Қазақстанның Мәскеудегі Елшілігіне 1811 жылы құрылған Ресейдің ең көне ұлттық казак ұжымы Кубан мемлекеттік академиялық казак хорының директоры, Ұлттық (халықтық) кәсіби шығармашылық ұжымдар Одағының атқарушы директоры Анатолий Арефьев келді. Қазақстанның Ресейдегі Елшісі Ермек Көшербаевпен кездесу барысында ынтымақтастық және екіжақты жобаларды іске асыру мәселелері талқыланды. 

- 4 мамырда Қазақстанның Ресейдегі Елшісі Ермек Көшербаев Мәскеудегі Жеңіс мұражайында болды. 

- 5 мамырда Мәскеудің орталығында, Чистопрудный бульварында Қазақстан Тәуелсіздігінің 30 жылдығы мен Жеңіс күніне арналған фотокөрме ашылды. Фотокөрме Грибоедов ескерткішінің жанындағы адам көп жүретін жерде орналасқан. Экспозицияда Нұрсұлтан Назарбаев Қорының, ҚР Қарулы Күштері Ұлттық әскери-патриоттық орталығының Әскери-тарихи мұражайының, ҚР Ақпарат және қоғамдық даму министрлігінің және "Kazakh Tourism "ҰК" АҚ мұрағаттарынан алынған бірегей фотосуреттері бар 16 екіжақты стенд ұсынылған. 

- 8 мамырда Жеңіс күні мерекесі қарсаңында, Ленинград облысы, Тосно ауданының Любань қаласында 15 кеңес жауынгерінің сүйектерін қайта жерлеу рәсімі өтті. Олар 2020 жылдың желтоқсанында М-10 "Россия" федералды тас жолын жөндеу кезінде табылған болатын. Сарапшылардың айтуынша, қалдықтар жеке автомат батальонының және 1-жеке атқыштар бригадасының 2-ші жеке атқыштар батальонының сарбаздарына тиесілі. Олар 1944 жылдың қысында Новгород-Луга шабуыл операциясы кезінде Любанды азат ету шайқасында қаза тапты. 

- 17 мамырда Мәскеу студенттері Қазақстан туралы фотокөрмемен танысты. Мәскеудің орталығында, Чистопрудный бульварында Қазақстан Тәуелсіздігінің 30 жылдығы мен Жеңіс күніне арналған фотокөрме өтуде. Экспозицияда Нұрсұлтан Назарбаев Қорының, ҚР Қарулы Күштері Ұлттық әскери-патриоттық орталығының Әскери-тарихи мұражайының, ҚР Ақпарат және қоғамдық даму министрлігінің және "Kazakh Tourism "ҰК" АҚ мұрағаттарынан алынған бірегей фотосуреттері бар 16 екіжақты стенд ұсынылған. М.В.Ломоносов атындағы Мәскеу мемлекеттік университетінің Азия және Африка елдері институтының студенттері экспозициямен танысты. 

- 26 мамырда Қазақстанның Ресейдегі Елшісі Ермек Көшербаев Ресей Федерациясы Сыртқы істер министрлігінің Мәскеу мемлекеттік халықаралық қатынастар институтының ректоры Анатолий Торкуновпен кездесті. 

- 31 мамырда Қазақстанның Ресейдегі Елшілігіне РФ СІМ Дипломатиялық академиясының студенттері келді. Шара жоғары оқу орны жүзеге асырып жатқан "халықаралық әдеп және мәдениет мұражайы" жобасы аясында өтті. Оның мақсаты – білім алушыларды әлем халықтарының мәдениеті мен дәстүрлерінің әртүрлілігімен, сондай-ақ дипломатиялық тәжірибелермен таныстыру. 

- 12 шілдеде Қазақстанның Ресейдегі Елшілігінің делегациясы Волоколамск қаласындағы 28 батыр панфиловшыларға арналған мемориалға барды. 

- 27 шілдеде Қазақстанның Мәскеудегі Елшілігіне "Царицыно" мемлекеттік мұражай-қорығы бас директорының орынбасары Камиля Байдильдина келді. ҚР РФ Елшісі Ермек Көшербаевпен кездесу барысында екіжақты мәдени байланыстарды дамыту, бірлескен іс-шаралар мен жаңа жобаларды іске асыру мәселелері талқыланды. 

- 4 тамызда Қазақстанның Ресейдегі Елшілігінің дипломаттары Поклонная тауындағы Жеңіс мұражайында "1073 Панфиловшылар дивизия полкінің ерлігі" көрмесінің ашылуына қатысты. Экспозицияны Мәскеу Білім және ғылым департаментінің қолдауымен Жеңіс мұражайы жүзеге асыратын мектеп мұражайларының қызметін дамытудың ұзақ мерзімді бағдарламасы аясында Мәскеу қаласының Зеленоград округінің Бауыржан Момышұлы атындағы №1912 мектептің оқушылары дайындады.