Коронавирус - COVID-19

Ақпарат

Ресейдегі Қазақстанның консулдық мекемелерінің «жедел желі» телефондары
  • Мәскеу

    8-925-897-71-14

  • Санкт-Петербург

    8-921-188-90-60

  • Қазан

    8-905-020-30-42

  • Омбы

    8-968-100-73-06

  • Астрахань

    +7-906-177-70-88

Мәдени-әлеуметтік ынтымақтастық

2021-2022 жылдағы Қазақстан және Ресей мәдени-гуманитарлық ынтымақтастығы

2021-2022 жылы мәдениет саласында көптеген іс-шаралар өткізілді, олардың ішіндегі ең негізгілері:

- 2021 ж. 18 қаңтарда Мәскеуде Қазақстанның Ресейдегі Елшілігінде "Болашақ" бағдарламасының стипендиаттары және Мәскеудегі университеттерде оқитын қазақстандық қауымдастықтардың жетекшілері Мемлекет басшысы Қасым-Жомарт Тоқаевтың VII шақырылған Қазақстан Республикасы Парламентінің бірінші сессиясының ашылуында сөйлеген сөзіне арналған дөңгелек үстел өткізді. 

- 2021 ж. 16 ақпанда ҚР-ның РФ-дағы Елшісі Е.Көшербаевтың Ресей Федерациясының спорт министрі О.Матыциннің ТМД-ға мүше мемлекеттердің елшілерімен кездесуіне қатысуы. 

- 2021 ж. 17 ақпанда Қазақстанның Ресейдегі Елшісі Ермек Көшербаев Ресей ағарту министрінің бірінші орынбасары Дмитрий Глушкомен кездесті. 

- 2021 ж. 25 ақпанда ҚР РФ Елшілігінде кеңесші-уәкіл Еркін Тұқымовтың РФ СІМ Дипломатиялық академиясының бірінші проректоры Сергей Алтунинмен кездесуі өтті. 

- 2021 ж. 1 наурызда ҚР-ның РФ-дағы Елшілігінің дипломаттары Әлихан Бөкейхановты еске алды. Олар Донской зиратындағы сталиндік репрессия құрбандары жерленген ортақ қабірге гүл шоқтарын қойды. 

- 2021 ж. 3 наурызда ҚР-ның РФ-дағы Елшілігінің дипломаттары Мәскеудегі Б.Момышұлы атындағы мектепте болды. 

- 2021 ж. 26 наурызда ҚР-ның РФ-дағы Елшілігінің дипломаттары ГУЛАГ тарихы музейінде болды. 

- 2021 ж. 29 наурызда ҚР-ның РФ-дағы Елшілігінде сыртқы саясат бойынша кадрларды даярлау саласындағы ынтымақтастық мәселелері талқыланды. 

- 2021 ж. 3 сәуірде ҚР-ның РФ-дағы Елшілігінің дипломаттары Мәскеудегі Үлкен театрдың тарихи сахнасында классикалық өнер саласындағы "Bravo" халықаралық кәсіби музыкалық сыйлығын тапсырудың үшінші рәсіміне қатысты. Сыйлық серіктес елдердің ең танымал классикалық орындаушылары номинациясында қазақстандық опера әншісі М.Мұхамедқызына берілді. 

- 2021 ж. 22 сәуірде Мәскеуде Қазақстанның Ресейдегі Елшілігінде Жеңіс Күні қарсаңында Ұлы Отан соғысы кезінде қаза тапқан қазақстандықтарды еске алу шарасы өтті. 

- 2021 ж. 23 сәуірде қонақта танымал қазақстандық "Mezzo"вокалдық тобы болды. Бір күн бұрын Елшіліктің қолдауымен Мәскеудегі Ұлттар үйінде олардың концерті өткен болатын. 

- 2021 ж. 23 сәуірде Қазақстанның Мәскеудегі Елшілігіне 1811 жылы құрылған Ресейдің ең көне ұлттық казак ұжымы Кубан мемлекеттік академиялық казак хорының директоры, Ұлттық (халықтық) кәсіби шығармашылық ұжымдар Одағының атқарушы директоры Анатолий Арефьев келді. Қазақстанның Ресейдегі Елшісі Ермек Көшербаевпен кездесу барысында ынтымақтастық және екіжақты жобаларды іске асыру мәселелері талқыланды. 

- 2021 ж. 4 мамырда Қазақстанның Ресейдегі Елшісі Ермек Көшербаев Мәскеудегі Жеңіс мұражайында болды. 

- 2021 ж. 5 мамырда Мәскеудің орталығында, Чистопрудный бульварында Қазақстан Тәуелсіздігінің 30 жылдығы мен Жеңіс күніне арналған фотокөрме ашылды. Фотокөрме Грибоедов ескерткішінің жанындағы адам көп жүретін жерде орналасқан. Экспозицияда Нұрсұлтан Назарбаев Қорының, ҚР Қарулы Күштері Ұлттық әскери-патриоттық орталығының Әскери-тарихи мұражайының, ҚР Ақпарат және қоғамдық даму министрлігінің және "Kazakh Tourism "ҰК" АҚ мұрағаттарынан алынған бірегей фотосуреттері бар 16 екіжақты стенд ұсынылған. 

- 2021 ж. 8 мамырда Жеңіс күні мерекесі қарсаңында, Ленинград облысы, Тосно ауданының Любань қаласында 15 кеңес жауынгерінің сүйектерін қайта жерлеу рәсімі өтті. Олар 2020 жылдың желтоқсанында М-10 "Россия" федералды тас жолын жөндеу кезінде табылған болатын. Сарапшылардың айтуынша, қалдықтар жеке автомат батальонының және 1-жеке атқыштар бригадасының 2-ші жеке атқыштар батальонының сарбаздарына тиесілі. Олар 1944 жылдың қысында Новгород-Луга шабуыл операциясы кезінде Любанды азат ету шайқасында қаза тапты. 

- 2021 ж. 17 мамырда Мәскеу студенттері Қазақстан туралы фотокөрмемен танысты. Мәскеудің орталығында, Чистопрудный бульварында Қазақстан Тәуелсіздігінің 30 жылдығы мен Жеңіс күніне арналған фотокөрме өтуде. Экспозицияда Нұрсұлтан Назарбаев Қорының, ҚР Қарулы Күштері Ұлттық әскери-патриоттық орталығының Әскери-тарихи мұражайының, ҚР Ақпарат және қоғамдық даму министрлігінің және "Kazakh Tourism "ҰК" АҚ мұрағаттарынан алынған бірегей фотосуреттері бар 16 екіжақты стенд ұсынылған. М.В.Ломоносов атындағы Мәскеу мемлекеттік университетінің Азия және Африка елдері институтының студенттері экспозициямен танысты. 

- 2021 ж. 26 мамырда Қазақстанның Ресейдегі Елшісі Ермек Көшербаев Ресей Федерациясы Сыртқы істер министрлігінің Мәскеу мемлекеттік халықаралық қатынастар институтының ректоры Анатолий Торкуновпен кездесті. 

- 2021 ж. 31 мамырда Қазақстанның Ресейдегі Елшілігіне РФ СІМ Дипломатиялық академиясының студенттері келді. Шара жоғары оқу орны жүзеге асырып жатқан "халықаралық әдеп және мәдениет мұражайы" жобасы аясында өтті. Оның мақсаты – білім алушыларды әлем халықтарының мәдениеті мен дәстүрлерінің әртүрлілігімен, сондай-ақ дипломатиялық тәжірибелермен таныстыру. 

- 2021 ж. 12 шілдеде Қазақстанның Ресейдегі Елшілігінің делегациясы Волоколамск қаласындағы 28 батыр панфиловшыларға арналған мемориалға барды. 

- 2021 ж. 27 шілдеде Қазақстанның Мәскеудегі Елшілігіне "Царицыно" мемлекеттік мұражай-қорығы бас директорының орынбасары Камиля Байдильдина келді. ҚР РФ Елшісі Ермек Көшербаевпен кездесу барысында екіжақты мәдени байланыстарды дамыту, бірлескен іс-шаралар мен жаңа жобаларды іске асыру мәселелері талқыланды. 

- 4 тамызда Қазақстанның Ресейдегі Елшілігінің дипломаттары Поклонная тауындағы Жеңіс мұражайында "1073 Панфиловшылар дивизия полкінің ерлігі" көрмесінің ашылуына қатысты. Экспозицияны Мәскеу Білім және ғылым департаментінің қолдауымен Жеңіс мұражайы жүзеге асыратын мектеп мұражайларының қызметін дамытудың ұзақ мерзімді бағдарламасы аясында Мәскеу қаласының Зеленоград округінің Бауыржан Момышұлы атындағы №1912 мектептің оқушылары дайындады.

- 2021 ж. 10 тамызда қазақтың ұлы ақыны Абай Құнанбаевтың туғанына 176 жыл толуына орай, Ресейдегі Қазақстан Елшілігінің дипломаттары Ресей астанасындағы "Чистые пруды" бульварында орналасқан ақынның ескерткішіне гүл шоқтарын қойды. Іс-шара аясында Елшілік қызметкерлері Абайдың Қара сөздерін оқып, оның "Желсіз түнде жарық ай" әнін шырқады.

- 2021 ж. 7 қыркүйек Қазақстандық зиялы қауым өкілдері, кітапханашылары және блогерлерден құрылған делегация өкілдері бүгін Ресей мемлекетіне келді. Топ мүшелері "Соғыс және бейбітшілік" атты халықаралық экспедиция жобасы бойынша Ресей мемлекеттік кітапханасында ұлы ақындар Абай, Жамбыл Жабаев және Мұқағали Мақатаевтың шығармашылығына арналған халықаралық көрмеге қатысуда. Көрмеде ресейлік және қазақстандық кітапханалардың сирек кездесетін және эксклюзивті басылымдары ұсынылады. Сондай-ақ, ақын Абай Құнанбайұлының жарық көрген алғашқы кітабы да қойылды.

- 2021 ж. 8 қазанда Қазақстанның Ресейдегі Елшілігінің дипломаттары ГУЛАГ тарихы мұражайының естелік бағының ашылуына қатысты. Естелік бағы- бұл мұражай экспозициясының жалғасы және ол серуендеуге және ойлануға арналған қоғамдық кеңістік ретінде арналған. Оның мемориалдық бөлігі қамауда отырғызылған жерлерден әкелінген, сондай-ақ қуғын-сүргінге ұшырағандардың отбасы мүшелері отырғызған ағаштардан, тастар мен бұталардан тұрады. Бұл кеңістік жаппай қуғын-сүргін тақырыбын түсінуге бағытталған көркемдік және мемориалдық тәжірибе алаңына айналады. Онда арнайы жасалған көше мүсіндері мен инсталляциялары орналастырылып, ГУЛАГ тарихына қатысты ауқымды жобалар жүзеге асырылатын болады.

2021 ж. 25 қазанда өткен демалыс күндері Санкт-Петербургте спорттық және кәсіби қолданбалы автожарыс бойынша Қазақстан мен Ресей студенттерінің халықаралық матч кездесуі өтті. Шараны Росконгресс, Ресей автомобиль федерациясы, Қазақстанның Ресейдегі елшілігі мен Қазақстанның Санкт -Петербургтегі бас консулдығы ұйымдастырды. Оның негізгі мақсаттары жастар арасында мотоспортқа деген қызығушылықты дамыту, тәжірибе алмасу және екі елдің студенттері арасындағы достық байланысты нығайту болды.

- 2021 ж. 16 қарашада Қазақстан Республикасының делегациясы аты аңызға айналған Панфиловшылар дивизиясы жауынгерлерінің өлмес ерлігінің 80 жылдығына арналған салтанатты шараға қатысты. Батырларды еске алу үшін Қазақстанның Ресейдегі Елшілігінің дипломаттары, Қазақстан мұсылмандары Діни басқармасының өкілі Ершат Оңғар, Алматы әкімдігінің өкілі Жәнібек Қаратаев, Астана және Қазақстан Александр Митрополитінің Мәскеудегі өкілі Сергей әке де келді. 1941 жылы 16 қарашада Волоколамск маңында Дубосеково разъезі мен Нелидово ауылының арасында генерал Иван Панфиловтың басшылығымен 316-шы атқыштар дивизиясының жауынгерлері мен Мәскеуге кіруге тырысқан неміс танктерінің колоннасы арасында ұрыс болды, нәтижесінде жау тоқтатылды. Еске алу рәсімі барысында қазақстандық делегация Нелидово ауылындағы батыр-панфиловшылар бауырлас зиратына, Дубосеководағы батыр-панфиловшылар мемориалына, Волоколамск қаласындағы Мәңгілік алауға және батыр-панфиловшыларға арналған бюсттерге гүл шоқтарын қойды.

2021 ж. 24 қарашада Қазақстанның Ресейдегі Елшілігіне М.Горький атындағы Мемлекеттік академиялық орыс драма театрының (Нұр-Сұлтан) әртістері келді. Ұжым Мәскеуге Қазақстан Республикасы Тәуелсіздігінің 30 жылдығын мерекелеу аясында ХІХ "Золотой Витязь" халықаралық театр форумына қатысу үшін келген. Жақында "ГИТИС" оқу театрында олар Василий Шукшиннің әңгімелері бойынша сахналанған "Светлые думы" қойылымын ұсынды. 2021 жылы театрдың алғашқы премьерасы болған қойылымды театр сыншылары сәтті қабылдап, көрермендердің шынайы ықыласына бөленді. Дипломаттар әртістерге тамаша өнерлері мен мәскеулік көрермендерге жеткізген жағымды көңіл-күйлері үшін алғыс айтып, жаңа шығармашылық табыстар тіледі. Олардың айтуынша, мұндай жобалар мәдени-гуманитарлық ынтымақтастық пен халықтық дипломатия деп аталатын саланы дамытуға, бейресми, тұлғааралық байланыстарды нығайтуға, қазақ мәдениетін насихаттауға баға жетпес үлес қосуда.

2022 ж. 11 ақпанда Мәскеудегі Қазақстан Елшілігінде Қазақстан Республикасының Білім және ғылым министрі Асхат Аймағамбетов Ресей астанасында оқып жатқан қазақстандық студенттермен және аспиранттармен кездесті.
- 2022 ж. 23 ақпанда Ұзақ мерзімді ынтымақтастық орнату және білім беру сапасын қамтамасыз ету, техникалық бағыттағы кадрларды даярлау мақсатында Қазақстан Республикасының Үкіметі мен Ресей Федерациясының Үкіметі арасында Ресей Федерациясында Қазақстан Республикасының жоғары және жоғары оқу орнынан кейінгі білім беру ұйымдарының филиалдарын және Қазақстан Республикасында Ресей Федерациясының жоғары білім беретін білім беру ұйымдарының филиалдарын құру және олардың жұмыс істеуі туралы Келісімге қол қою туралы Қаулы қабылданды.
- 2022 ж. 11 наурызда Мәскеудегі Қазақстан Елшілігінде коронавирустық инфекциямен күресуде қазақстандық әріптестеріне көмектескен ресейлік дәрігерлерге Қазақстан Республикасының мемлекеттік наградаларын тапсыру рәсімі өтті.
- 2022 ж. 23 наурызда Халық шаруашылығы жетістіктері көрмесіндегі "Қазақстан" павильонында Қазақстанның Ресейдегі Елшілігінің ұйымдастыруымен Наурызға арналған мерекелік шара өтті.
- 2022 ж. 24 сәуірде Қазақстанның Ресейдегі Елшілігінің балалар шығармашылық ұжымы "Тюбетейка" Шығыс базары» V халықаралық мәдениет фестивалінің жабылуы аясында мерекелік концертте өнер көрсетті.
- 2022 ж. 8 мамырда Жеңіс күні қарсаңында Волгоград облысында Ұлы Отан соғысы жылдарында осы жерде шайқасқан қазақстандықтарды еске алу шаралары өтті.
- 2022 ж. 20 мамырда 2022 жылы Ресейде Еділ Бұлғариясының исламды қабылдағанына 1100 жыл толады. Мерекелік іс – шаралар жыл бойы Ресей Федерациясының аймақтарында, олардың ішіндегі ең ірісі Татарстанда, соның ішінде "Ресей – Ислам әлемі: KazanSummit 2022" XIII халықаралық экономикалық саммиті аясында өтеді. Форумда және мерекелік іс-шараларда Мемлекет басшысы Қасым-Жомарт Тоқаевтың тапсырмасы бойынша қазақстандық делегацияны Мәдениет және спорт министрі Дәурен Абаев басқарады.
- 2022 ж. 28 мамырда 1 маусымда аталып өтілетін Халықаралық балаларды қорғау күні қарсаңында Қазақстанның Ресейдегі Елшілігінің балалар шығармашылық ұжымы өз жанкүйерлерін тағы да қуантты. Қазақстан павильонында олардың оқу жылының аяқталуына байланысты есеп беру концерті өтті. Балаларды қолдауға танымал жерлестеріміз – скрипкашы Лана мен блогер Аминка Витаминка келді. Атақты стендапшы Ксюша да шараның қонағы болды.