Қазақстан Республикасының Ресей Федерациясындағы Елшілігі
-
Мәскеу
8-925-897-71-14
-
Санкт-Петербург
8-921-188-90-60
-
Қазан
8-905-020-30-42
-
Омбы
8-968-100-73-06
-
Астрахань
+7-906-177-70-88
-
Екатеринбург
+7-939-919-76-33
Қазақстанның ШЫҰ-ға төрағалығы
ШЫҰ Астана Саммитіне дайындық ілгерілеуде
Шанхай ынтымақтастық ұйымының Хатшылығында ШЫҰ-ға мүше мемлекеттердің Ұлттық үйлестірушілер кеңесінің кезекті отырысы өтті.
Ұлттық үйлестірушілер ШЫҰ-ға мүше мемлекеттер басшылары кеңесінің және Сыртқы істер министрлері кеңесінің отырыстарын дайындау барысын, сондай-ақ Ұйымның 2024 жылға арналған бекітілген негізгі іс-шаралар жоспарына сәйкес ШЫҰ-ның ағымдағы қызметінің мәселелерін талқылады.
Тараптар ШЫҰ елдері көшбасшыларының қарауына енгізілетін құжаттардың жобаларын, оның ішінде Астана декларациясын, ШЫҰ-ның "Әділетті әлем мен келісімді жақтайтын дүниежүзілік бірлік туралы" бастамасын және ШЫҰ-ны дамыту мәселелері бойынша бірқатар стратегиялық құжаттарды егжей-тегжейлі қарады.
"Астанадағы ШЫҰ-ға мүше мемлекеттер басшылары кеңесінің алдағы отырысы ұйымның бірлігін, ШЫҰ-ны жетілдіру жөніндегі байсалды, ауқымды және ұзақ мерзімді жұмысқа бірыңғай көзқарасты, жаңа сын-тегеуріндер мен қатерлер саласында өзара іс-қимылдың тиімді тетіктерін құруды тағы да растайды. Саммитке дейінгі қалған күндерде барлығымыз Астанада өтетін осы тарихи кездесудің жоғары мазмұнды және ұйымдастырушылық деңгейде өтуі, оның қорытындылары ШЫҰ-ның жалпы тарихының жаңа бетін ашуы, өзара тиімді көпжақты іс-қимыл форматын неғұрлым жоғары деңгейге шығаруы үшін ауқымды жұмыс атқаруымыз керек", – Қазақстанның Ұлттық үйлестірушісі Мұрат Мұқышев атап өтті.
Кездесу соңында тараптар Қазақстанның ШЫҰ-ға төрағалық ету басымдықтарын одан әрі іске асыру үшін тығыз диалогты жалғастыруға уағдаласты.
