Қазақстан Республикасының Ресей Федерациясындағы Елшілігі

Тараптар Елшінің 2023 жылғы желтоқсандағы өңірге сапары барысында қол жеткізілген уағдаластықтарды талқылауды жалғастырды.

Соңғы жылдары ынтымақтастық жаңа сапалы деңгейге көтерілгені атап өтілді.

Қазақстан Омбы облысының барлық сыртқы сауда серіктестерінің арасында көшбасшы болып табылады, Қазақстанның үлесіне барлық тауар айналымының үштен бірі тиесілі. Өнеркәсіптік кооперация белсенді дамып келеді. Агроөнеркәсіптік кешенде өзара іс-қимылдың кең перспективалары ашылуда. Атап айтқанда, Қазақстанның ғылыми мекемелері, тәжірибе станциялары мен ауыл шаруашылығы өндірушілері Омбы ғалымдарымен байланыс орнатты.

Кездесуге қатысушылар Ертістің көлік-транзиттік әлеуетін белсенді пайдалануды қолдай отырып, кейіннен Солтүстік теңіз жолына шығуды талқылады. Жоспарда – Қазақстанның Ертіс өңіріндегі Омбы облысының инвестициялық әлеуетін таныстыра отырып, өзен бойымен экспедиция ұйымдастыру.

Жеңістің 80 жылдығын мерекелеуге дайындық тақырыбына ерекше назар аударылды. Омбы және қазақстандық жастардың қатысуымен атаулы іс-шаралар, патриоттық акциялар және тарихи-ағартушылық жобалар өткізілетін болады. Бұған Омбының 2025 жылы Ресей жастарының астанасы ретіндегі мәртебесі де ықпал етеді. Өңірдің қоғамдық және мәдени өміріне қазақстандық студенттер де белсенді қатысуда. Қазіргі уақытта жергілікті жоғары оқу орындарында 8 мыңға жуық қазақстандық жастар білім алуда.

Тағы бір айтулы күн ретінде қала тарихында есімі ерекше орын алатын көрнекті қазақ ғалымы және ағартушысы Шоқан Уәлихановтың 190 жылдығы тақырыбы да атап өтілді. Осыған орай Омбыда мерейтойлық іс-шара жоспарлануда.

Омбы облысының қазақ қауымы маңызды байланыстырушы буын болып табылады. Оның саны шамамен 70 мың адамды құрайды. Елші отандастардың ана тілін үйренуге және өз дәстүрлерін сақтауға деген ұмтылысына көрсетілетін қолдауға ризашылығын білдірді.

Д.Абаев пен В.Хоценко Омбы облысы мен Қазақстанды ұзақ және берік тату көршілік қатынастар байланыстыратынын, ал өзара іс-қимыл экономика жағынан ғана емес, іс жүзінде барлық салаларды қамтитынын қанағаттанушылықпен атап өтті. Кездесу қорытындысы бойынша оның қатысушылары өзара тиімді ынтымақтастықты арттыруда жан-жақты қолдау көрсетуге келісті.