Қазақстан Республикасының Ресей Федерациясындағы Елшілігі

Іс-шараға Қазақстан мен Ресей министрліктері мен ведомстволарының, ҚР өңірлері әкімдіктерінің басшылығы, ЕЭК, "Атамекен" ҚР ҰКП, РФ СӨП, "Kazakh Invest" ҰК" АҚ өкілдері, екі елдің іскер топтары қатысты.

Кездесуді аша отырып, оның модераторы, әйгілі ресейлік тележүргізуші Эвелина Закамская мұндай форумның маңыздылығын атап өтті, өйткені екі ел орасан зор және табысты іске асырылатын экономикалық әлеуеті бар ең жақын көршілер мен достар болып табылады.

Қазақстанның Ресейдегі Елшісі Дәурен Абаев Ресейді Қазақстандағы шетелдік капиталы бар кәсіпорындар саны бойынша сөзсіз көшбасшы деп атады. Оның айтуынша, 2023 жылы Қазақстанда Ресейдің қатысуымен 4000-ға жуық компания ашылған, елімізде барлығы 28 000-нан астам осындай кәсіпорындар бар. Ол бірлескен күш-жігермен кең еуразиялық сенім кеңістігін сақтап қалуға қол жеткізілгенін, және Қазақстан шынымен де Ресейдің Жаһандық Оңтүстік бағытындағы орасан зор терезесіне айналғанын атап өтті.

Еуразиялық экономикалық комиссияның Экономика және қаржы саясаты жөніндегі Алқа мүшесі (министр) Бақыт Сұлтанов еуразиялық кеңістіктегі іскерлік ахуалды жақсарту жөніндегі жұмыс туралы айтып өтті. Оның айтуынша, механизмдер мен құралдардың кең спектрін дамыту арқылы ЕЭК осы бағытта барынша күш салуда.

РФ Өнеркәсіп және сауда министрінің орынбасары Алексей Груздев Қазақстан-Ресей сауда байланыстары кешенділігімен және алуан түрлілігімен ерекшеленетініне назар аударды. Ол 4000 бірлескен кәсіпорынның болуын және ұлттық валютада 80%-дан астам өзара есеп айырысулардың жүзеге асырылуын өзара сенімнің маңызды факторы деп атады.

Ресейлік әріптесін ҚР Өнеркәсіп және құрылыс вице-министрі Олжас Сапарбеков қолдады. Ол өнеркәсіптік кооперацияның қазіргі деңгейіне жоғары баға берді және бірлескен жобалардың саны әлі де өсетініне сенім білдірді.

"Kazakh Invest" ҰК" АҚ Басқарма төрағасы Ержан Елекеев нақты сандарға тоқталып өтті. Оның деректері бойынша, $26,2 млрд. сомасына 135 бірлескен жоба іске асырылуда. Олардың ішінде аса маңыздылары ретінде ол: Түркістан облысында $1,7 млрд. сомасына 500 гектарға жылыжай қызанақтарын өсіруді, Жамбыл облысында $1 млрд. сомасына "Еврохим" компаниясының минералды тыңайтқыштар өндірісін, Қарағанды облысында "Татнефть" компаниясының $274 млн. сомасына автомобиль шиналары өндірісін, Қостанай облысында "Kamlitkz" компаниясының $485 млн. сомасына шойын құю арқылы жүк автомобильдері компоненттерінің өндірісін атап өтті.

Жоғарыда аталған жобалардың бірі туралы "Еврохим" тобының президенті Олег Ширяев баяндады. Ол адамзаттың құндылық және мәдени кодын сәтті өзара әрекеттесудің кілті деп атады – егер ол әртүрлі болса, онда бизнес одан әрі сәтті дами алмайды.

"КазКран" компаниясының (Петропавлда "Қызылжар" АЭА аумағында зауыт салып жатыр) директоры Константин Каргер Қазақстанда бизнес жүргізудің артықшылықтары арасында тілдік тосқауылдың жоқтығын, техникалық реттеу мен құрылыс саласындағы заңнаманың ұқсастығын, жергілікті мемлекеттік органдармен тікелей өзара іс-қимылды, оңтайлы салық режимін және Қытайға жолдың ыңғайлы географиялық орналасуын атады.

Оның сөзімен "Славтранс-Сервис" АҚ Директорлар кеңесінің төрағасы Андрей Голландцев келісті. Ол Мәскеу маңындағы Селятинода көлік-логистикалық орталығын құру бойынша жобаны іске асыруға көмектескен қазақстандық әріптестеріне ризашылығын білдірді. Бұл жоба Сиандағы Қазақстан-Қытай терминалы арқылы Ресей және басқа елдердің тікелей көлік қатынасын дамытуға мүмкіндік беретін болады.

Ресей өнеркәсіпшілер мен кәсіпкерлер одағы (РСПП) халықаралық екіжақты ынтымақтастық басқармасының вице-президенті, Басқарушы директоры Сергей Красильников Қазақстаннан үлгі алуға шақырды. Оның пікірінше, Ресейдің оңтүстік көршісі іскерлік байланыстарды дамыту және бизнесті қолдау тұрғысынан жылдам қимылдайды.

Тақырыпты жалғастыра келе, іс-шараға қатысушылар "Бәйтерек" ҰБХ АҚ" Басқарушы директоры Нияз Көшкімбаевтың компанияның қызметі туралы және Қазақстанның Ұлттық төлем корпорациясы төрағасының орынбасары Әсел Марченконың Қазақстанның финтех-нарығы туралы презентацияларымен танысты.

РФ Сауда-өнеркәсіп палатасының вице-президенті Дмитрий Курочкин белсенді ынтымақтастыққа дайын екендіктерін білдірді. Оның пікірінше, Қазақстандағы мүмкіндіктер алға жылжуға ықпал ететін болады. Өнеркәсіптік кооперация туралы пікірін білдіре отырып, ол бірқатар салаларда өнімді бірлесіп өндіруді ғана емес, сонымен қатар сауда агенттіктері арқылы сыртқы нарықтарда оларға сұранысты ұйымдастыруды ұсынды.

Кездесуді қорытындылай келе, оның қатысушылары қазіргі жаһандық жағдайларда Қазақстан ресейлік бизнес үшін мүмкіндіктер терезесі болып табылатынын атап өтті. Олардың бағалауы бойынша, үйлесімді өзара іс-қимыл мен өзара қолайлы шешімдерді сәтті іздестіру арқасында екі ел де экономикалық қатынастарды жаңа сапалы деңгейге көтеруде.