Қазақстан Республикасының Ресей Федерациясындағы Елшілігі

Тараптар өзара ынтмақтастықтың қазіргі жағдайына жоғары баға берді. Қазақстан Новосибирск облысының тауар айналымында жетекші орын алады, бұл аймақтағы барлық тауар айналымының шамамен 15% құрайды. 2022 жылдың қорытындысы бойынша өзара сауда көлемі 1 млрд доллардан асып, 2021 жылмен салыстырғанда 20,5%-ға жоғары болды.

Қазақстанда новосібірлік компаниялардың қатысуымен бірқатар инвестициялық жобалар сәтті жүзеге асырылуда.

Ынтымақтастықты одан әрі дамыту үшін Азия елдерімен байланысты қамтамасыз ететін қажетті көлік-логистикалық инфрақұрылым бар екені баса айтылды.

Новосибирск облысы сонымен қатар ірі ғылыми және білім беру орталығы болып табылады. Жергілікті жоғары оқу орындарында 5 мыңнан астам қазақстандық студент оқиды.

Кездесу қорытындысы бойынша тараптар жұмыс байланыстарын жалғастыруға келісті. Атап айтқанда, Елшінің қараша айының соңында Новосибирск облысына жасайтын сапары барысында ынтымақтастықты жандандыру мәселелері талқыланады.