Жаңалықтар

Қазақстандықтар Ресейге Белоруссиядан ұшып келе алады

22.05.2021

Мұндай тәртіп Ресей Федерациясы Үкіметінің 18.05.2021 жылғы №1291-р өкімінің 2.12-тармағында қарастырылған (құжатқа сілтемені қараңыз).

Бұған дейін ҚР азаматтары Белоруссияда тұруға ықтиярхаты болған жағдайда ғана Ресейге ұшып келе алатын.

Қазіргі уақытта Қазақстан азаматтары Ресейге тұрақты әуе қатынасын қалпына келтірген барлық елдердің рейстерімен ешқандай кедергісіз ұшып келе алады.

Ресей келесі елдермен тұрақты жолаушылар рейстерін жүзеге асырады: Қазақстан, Белоруссия, Түркия, Швейцария, Египет, Мальдив аралдары, Біріккен Араб Әмірліктері, Қырғызстан, Корей Республикасы, Куба, Сербия, Жапония, Сейшел аралдары, Эфиопия, Вьетнам, Үндістан, Катар, Финляндия, Әзірбайжан, Армения, Греция, Сингапур, Венесуэла, Германия, Сирия, Тәжікстан, Өзбекстан, Шри-Ланка.

Сондай-ақ, Ресейге кіру кезінде шетелдік азаматтарға шекарадан өткенге дейін кемінде 72 сағат бұрын берілген ПТР әдісімен COVID-19 тестінің теріс нәтижесі бар анықтама қажет екенін хабарлаймыз.