Қазақстан Республикасының Ресей Федерациясындағы Елшілігі
-
Мәскеу
8-925-897-71-14
-
Санкт-Петербург
8-921-188-90-60
-
Қазан
8-905-020-30-42
-
Омбы
8-968-100-73-06
-
Астрахань
+7-906-177-70-88
-
Екатеринбург
+7-939-919-76-33
Аңдатпа
ЭКСПО-ның ашылуы
10 маусым күні Астанада ЭКСПО-2017-нің Конгресс-орталығында бүкіләлемдік көрменің ресми түрде ашылуы болады. ЭКСПО аймағының инфрақұрылымдық нысандары мен көрме кешенінің архитектуралық тұжырымдамасының авторы Чикаголық - Adrian Smith and Gordon Gill Architecture компаниясы болып табылады. Жұмыс жобасы KazGor жобалық академиясының ынтымақтастығымен IT Engineering SA компаниясы арқылы жүзеге асырылды.
Көрменің ашылуына қатысушы елдердің ресми өкілдері келеді деп күтілуде. Көрменің тақырыбы – "Болашақ энергиясы". Ол жауаптылыққа шақыруды, табиғатқа зақым келтірусіз планетада энергия тұтынуды рационалды түрде жоспарлау мен бақылау білімін қалыптастыруды және талқылауды айқын көрсетеді.
ЭКСПО-2017 көрмесіне Ресей де қуат көздері шеңберінде жеткен жетістіктерін ұсынатын болады. Тақырыптық бағыты – Арктика қуаты. Көрме жұмысы барысында Ресейдің Еврохим, Росатом т.с.с. жетекші компаниялары өздерінің қатысатынын мәлімдеді. Ресей павильоны көрмедегі үлкен аумақты алатындардың бірі, оның көлемі 1000 шаршы метрден асады.
ЭКСПО көрмесі 2017 жылдың 10 маусымы мен 10 қыркүйегі аралығында өтеді. Көрмеге 110-нан астам ел, 18 халықаралық ұйым мен 2-3 миллион келушілердің қатысуы күтілуде. Ресейде ЭКСПО көрмесінің билеттерін Мәскеу, Санкт-Петербург, Қазан, Нижний Новгород, Екатеринбург, Новосибирск және Сочи қалаларындағы ресми кассалардан алуға болады.
