Қазақстан Республикасының Ресей Федерациясындағы Елшілігі

"Ресей Федерациясының жекелеген заңнамалық актілеріне өзгерістер енгізу туралы" 2024 жылғы 8 тамыздағы № 260-ФЗ Федералдық Заңын іске асыру мақсатында Жарлықпен төрт айлық мерзім белгіленді (2025 жылғы 1 қаңтардан 2025 жылғы 30 сәуірге дейін). Осы уақыт ішінде Ресей Федерациясының аумағында болу мерзімдерін бұзылғаг шетелдік азаматтар немесе олардың жұмыс берушілері Ресей Федерациясының Ішкі істер органдарына, оның ішінде уәкілетті ұйымдар (РФ көптеген аймақтарында ұсынылған РФ ІІМ "Паспорттық-визалық сервис" ФМУК филиалдары немесе "Сахарово" көпфункционалды көші-қон орталығы (сілтеме) арқылы құқықтық жағдайды реттеу және қажетті рұқсат құжаттарын (мысалы, патент немесе жұмысқа рұқсат) алу үшін жүгіне алады.

Құжаттарды тапсыру кезінде шетел азаматтарын биометриялық сәйкестендіру рәсімдерін жүргізу, қауіпті аурулардың бар-жоғын медициналық куәландыру, есірткі және психотроптық заттарды пайдалану, сондай-ақ баждарды, салықтарды, алымдарды, айыппұлдарды және басқа да міндетті төлемдерді төлеу бойынша берешектердің бар-жоғын тексеру көзделген.

Жарлықпен шетелдік азамат Ресей Федерациясының аумағында өзінің құқықтық жағдайын реттей алатын жағдайлар анықталған.

"Ресей Федерациясындағы шетелдік азаматтардың құқықтық жағдайы туралы" 2002 жылғы 25 шілдедегі № 115-ФЗ Федералдық заңына сәйкес, 2025 жылдың 30 сәуіріне дейін өздерінің құқықтық жағдайын реттемеген және Ресей Федерациясында болу үшін заңды негіздері жоқ барлық шетелдік азаматтар бақыланатын адамдар тізіміне (сілтеме) енгізіліп, кейіннен Ресей Федерациясының аумағына кіруді шектей отырып,  елден шығарылуға жатады. Сонымен қатар, мұндай шетелдіктерге қатысты Ресей Федерациясының аумағында жекелеген құқықтар мен бостандықтарды шектеу, соның ішінде мемлекеттік және муниципалдық қызметтерді ұсыну бойынша заңда көзделген барлық шаралар қолданылады.

Ресей Федерациясының Ішкі істер органдары заңды болу және жұмыс істеу үшін құжаттары жоқ шетелдік азаматтардың құқықтық жағдайын реттеу үшін өтініштер қабылдайды.

2025 жылғы 1 қаңтардан 30 сәуірге дейін болу режимін бұзылған әрбір шетелдік азамат Ресей Федерациясынан өз бетінше кетуге немесе құқықтық жағдайды реттеу үшін Ресей Федерациясы Ішкі Істер Министрлігінің аумақтық органына келуге не Ресей Федерациясы Ішкі Істер Министрлігінің "паспорттық-визалық сервис" ФМУК филиалына немесе "Сахарово" көпфункционалды көші-қон орталығына өзінің орналасқан жері бойынша жүгінуге міндетті. Жарлыққа сәйкес мұндай адамдарға қатысты жер аударуға, арнаулы мекемелерге орналастыруға, сондай-ақ кіруге тыйым салуға байланысты шаралар қолданылмайды.

Белгіленген рәсімдерден өткеннен кейін тиісті шетелдік азаматтарға Ресей Федерациясында болу құқығын беретін құжаттар беріледі. Ресей Федерациясында болу үшін заңды негіздерін жоғалтқан және Ресей Федерациясының Ішкі істер министрлігінің органдарына уақтылы жүгінбеген шетелдік азаматтар белгіленген тәртіппен шығарылып, одан кейін Ресей аумағына кіру жабылады.

Шетелдіктердің Ресейде болу мерзімі күнтізбелік жыл ішінде 90 тәулікке дейін қысқартылғандағын  еске саламыз (сілтеме)  (бұрын олардың  Ресей аумағында болу уақыты 180 күн ішінде 90 күннен аспауы тиіс еді).