Қазақстан Республикасының Ресей Федерациясындағы Елшілігі

"Ата жолы" картасы он жылға дейінгі мерзімге беріледі, бірақ азаматтың өз паспортының қолданылу мерзімінен аспауы керек. (https://adilet.zan.kz/kaz/docs/V2300032983 ).

"Ата жолы" картасы мынадай санаттардың біріне сәйкес келетін этникалық қазақтарға ұсынылады:

1) "Қазақстан Республикасының азаматтығына қабылдаудың оңайлатылған тәртібі белгіленетін адамдар үшін кәсіптер тізбесін және талаптар тізбесін бекіту туралы" Жарлыққа сәйкес кәсіп иелеріне (https://adilet.zan.kz/kaz/docs/U050001587_)

2! "Шетелдіктердің Қазақстан Республикасында тұрақты тұруға рұқсат алуы үшін сұранысқа ие кәсіптердің тізбесін және оны қалыптастыру қағидаларын бекіту туралы" бұйрыққа сәйкес кәсіп иелеріне (https://adilet.zan.kz/kaz/docs/V2300031938 );

3) тұрғылықты елінде тіркелген жұмыс істеп тұрған бизнестің иелеріне беріледі.

"Ата жолы" картасын ұсынуға өтінішті "Құтты мекен" (сілтеме) мобильді қосымшасы арқылы немесе Қазақстанның шетелдегі елшіліктеріне, облыстық жұмыспен қамтуды үйлестіру және әлеуметтік бағдарламалар басқармасына немесе "Отандастар қорына"хабарласу арқылы беруге болады.

Өтінішке мынадай құжаттар қоса беріледі:

– нотариат куәландырған аудармасымен жеке басын куәландыратын құжаттың көшірмесі;

– жоғарыда аталған санаттардың біріне сәйкес келетін мамандықты растайтын диплом және сертификаттар және нотариалды куәландырылған аудармасы бар азаматтығы бар елде жұмыс істеп тұрған бизнесті растайтын құжаттар;

– жеке басын куәландыратын құжаттарда ұлты расталмаған жағдайда, этникалық қазақтар өзі шыққан елдің арнайы органдарынан алынған ұлтын растайтын ресми құжат;

Қосымша сұрақтар туындаған жағдайда "Отандастар қоры" КеАҚ қандастар ақпараттық қолдау орталығының байланыс нөмірлері бойынша хабарласа аласыз!

• Барлық қазақстандық ұялы байланыс операторлары үшін 1404 тегін;
• 8 701 000 1404 Telegram, WhatsApp мессенджерлері арқылы онлайн;
• 8 800 080 1404 Қазақстан бойынша қалалық нөмірлер үшін тегін;
• 8 7172 981404 байланыс операторына шетелден ақы төлеу мөлшерінде немесе komek@oq.gov.kz. электрондық поштасына

Сондай-ақ:

• 8 7172 743726 ҚР Еңбек және халықты әлеуметтік қорғау министрлігінің этникалық көші-қон мәселелері басқармасының басшысына.