Қазақстан РеспубликасыныңРесей Федерациясындағы Елшілігі

«Қазір барлық күш-жігерді халықаралық қатынастарда үнқатысуды, өзара түсіністікті және сенімді қалпына келтіруге жұмылдыру керек»

Н.Ә Назарбаев, Қазақстан Республикасының Президенті

На главную [RUS]

Мәдени-әлеуметтік ынтымақтастық

2017 жылдағы Қазақстан және Ресей мәдени-гуманитарлық ынтымақтастығы

2017 жылы мәдени-гуманитарлық саладағы екіжақты жемісті ынтымақтастықтың жағымды тренді жалғасын тапты.

2017 жылы 13 ақпанда Елшілік резиденциясында Мәскеудегі ресейлік ЖОО қазақстандық студенттерінің қатысуымен Н.Ә.Назарбаевтың 25 қаңтардағы билік тармақтары арасында өкілеттіліктерді қайта бөлу бойынша үндеуі мен 2017 жылдың 31 қаңтарындағы «Жаңғыру 3.0» Қазақстан халқына жолдауының ережелерін түсіндіруге арналған дөңгелек үстел өтті.

Сол жылдың 4 наурызында 8 наурыз халықаралық әйелдер мерекесі қарсаңында «Жас тұлпар» Ресейдегі қазақстандық студенттер бірлестіктерінің белсенділері Елшіліктің қолдауымен ЭЖМ ҰЗУ ғимаратында «Мәңгілік ел» ұлттық идеясына негізделген «Анаға хат» акциясын өткізді.

14 наурызда Мәскеудегі Қазақстан Елшілігі Резиденциясында Мәскеу ғылыми зиялыларының өкілдері мен қазақстандық белсенді студенттерге Қазақстандағы конституциялық реформаларды түсіндіру бойынша кездесу ұйымдастырылды.
Талқыға О.Е.Кутафин атындағы Мәскеу мемлекеттік заң академиясының бірінші проректоры, заң ғылымдарының докторы Елена Грачева, РФ Үкіметі жанындағы Заңнама және салыстырмалы құқықтану институтының көпшілік-құқықтық зерттеулер орталығының меңгерушісі Юрий Тихомиров, М.В.Ломоносов атындағы ММУ заң факультеті конституциялық және муниципалды құқық кафедрасының меңгерушісі Сурен Авакьян, Жоғары экономика мектебі пәнаралық зерттеу орталығының директоры Владимир Королев, РФ СІМ Дипломатиялық академиясының көпшілік құқық кафедрасының доценті Тимур Акчурин, ресейлік ЖОО оқып жатқан қазақстандық студенттер, магистранттар мен аспиранттар қатысты.

2017 жылдың 15-16 наурызында РФ-дағы ҚР Елшілік мекемелерінің жетекшілері және Ресейдегі қазақтардың 20-дан астам ұлттық-мәдени қоғамдық ұйымдарының, соның ішінде Омбы, Астрахань, Санкт-Петербор, Қазан, Уфа, Орынбор, Алтай, Краснодар өлкесі, Саратов, Самар, Челябі, Иванов қалаларында орналасқан бірлестіктердің қатысуымен бес интернет конференция ұйымдастырылды. Онда Астанадағы ЕХРО-2017 көрмесіндегі шараларға қазақ диаспорасы өкілдері мен отандастарымыздың қатысуы туралы сұрақтар талқыланып, «Болашақ энергиясы» тақырыбындағы балалар суреті байқауының ережелері және РФ оқушылары мен студенттері арасында қазақ тілі, тарихы мен мәдениетін үздік меңгеру мәселелері, сондай-ақ басқа да бірлескен жобалар сөз болды. Сондай-ақ Дүниежүзі қазақтарының қауымдастығы президиумы төрағасының бірінші орынбасарының келісімімен Ресейдегі қазақтардың ҰМО жетекшілеріне Астанада жазда өтетін Дүниежүзі қазақтарының құрылтайына қатысу үшін аккредитация бойынша түсіндірме берілді.

2017 жылы 7 сәуірде Ғарышкерлік мемориалдық музейінде РФ Қазақстан Елшілігі мұрындық болған «Елшілік кештері» жобасы аясында танымал кинорежиссер әрі продюсер Тимур Бекмамбетов әлемде ашық ғарышқа алғаш аттанған әйгілі кеңес ғарышкері Алексей Леонов жайлы «Время первых» жаңа фильмін көрсетті.

5 мамыр Ұлы Жеңіс және Отан қорғаушы күндері қарсаңында Қазақстан Республикасының Ресейдегі Төтенше және өкілетті елшісі Иманғали Тасмағамбетов дәстүр бойынша Мәскеудегі қазақстандық Ардагерлер кеңесінің мүшелерімен кездесті.

8 мамыр Калужская облысы Людиновск ауданы Букань ауылында Қазақстанның Ресейдегі Елшілігі қызметкерлері Қызыл армия сержанты, Павлодар облысының тумасы Мельников Петр Алексеевичтің сүйегін беру салтанатты рәсіміне қатысты.

15 мамыр Ресейдің Үлкен театры мен «Астана Опера» театры арасында ынтымақтастық жөнінде меморандумға қол қойылды.

31 мамыр Кеңес Одағының батыры, Халық Қаһарманы, армия генералы С.Нұрмағамбетовтың мүсінін «1941-1945 жж Ұлы Отан соғысы орталық музейіне» беру туралы салтанатты шарасы өтті.

Мемлекеттік органдар

Пайдалы сілтемелер