Қазақстан Республикасының Ресей Федерациясындағы Елшілігі
-
Мәскеу
8-925-897-71-14
-
Санкт-Петербург
8-921-188-90-60
-
Қазан
8-905-020-30-42
-
Омбы
8-968-100-73-06
-
Астрахань
+7-906-177-70-88
-
Екатеринбург
+7-939-919-76-33
Жаңалықтар
Тайыр Мансұров "Достық" орденімен марапатталды
Бүгін Мәскеуде Қазақстанның Ресейдегі Елшісі Ермек Көшербаев Еуразиялық даму орталығының бас директоры, саяси ғылымдар докторы Тайыр Мансұровқа 1-дәрежелі "Достық" орденін табыс етті.
Мемлекет Басшысы Қасым-Жомарт Тоқаевтың Жарлығына сәйкес Тайыр Мансұров "мемлекеттік және қоғамдық қызметтегі еңбегі және елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін" жоғары наградаға ие болды.
Тайыр Мансұров Қазақстан басшылығына жоғары наградасы үшін ризашылығын білдіріп, Қазақстан-Ресей стратегиялық әріптестігінің негізі қаланған жылдарда айтулы оқиғаларға қатысқаны үшін мақтаныш пен шабыттанғанын атап өтті.
Ол сондай-ақ жас дипломаттармен өз тәжірибесімен бөлісіп, өзінің "Преемственность, вызовы и интриги власти. Казахстан и мировые лидеры. Мировая история передачи власти и казахстанский опыт" кітабын сыйға тартты. Әңгіме соңында Тайыр Мансұров қазақстандықтарды келе жатқан Жаңа жылмен құттықтап, елімізге тыныштық пен береке тіледі.
"Достық" ордені – қоғамдағы өзара келісімді сақтаудағы жемісті еңбегі, бейбітшілікті, халықтар арасындағы достық пен ынтымақтастықты нығайтудағы қызметі үшін марапатталатын Қазақстан Республикасының жоғары наградаларының бірі.
