Қазақстан Республикасының Ресей Федерациясындағы Елшілігі
-
Мәскеу
8-925-897-71-14
-
Санкт-Петербург
8-921-188-90-60
-
Қазан
8-905-020-30-42
-
Омбы
8-968-100-73-06
-
Астрахань
+7-906-177-70-88
-
Екатеринбург
+7-939-919-76-33
Жаңалықтар
Омбыда Шоқан Уәлихановтың 185 жылдығына арналған дөңгелек үстел өтті
27 қарашада Қазақстан Республикасының Омбы қаласындағы Консулдығы және Омбы облысы Үкіметінің қолдауымен "Омбы қазақтары" регионалдық қоғамдық ұйымы "Шоқан Уәлиханов және Омбы" атты дөңгелек үстел ұйымдастырды. Аталған іс-шара "Омбыдағы қазақ мәдениеті апталығының" ашылуы аясында өтті және ұлы қазақ зерттеушісі және саяхатшысы Шоқан Уәлихановтың 185 жылдығына арналған.
Дөңгелек үстелге Қазақстан Республикасының Омбы қаласындағы Консулдығының басшысы Ырысқали Дәуренбек, Өңірлік саясат және бұқаралық коммуникация министрлігінің, Омбы қаласы әкімшілігінің, "Отандастар" қорының және Дүниежүзі қазақтары қауымдастығының, Ресей халықтары Ассамблеясының Омбы филиалының және Омбы Достық үйінің, Ш.Уәлиханов атындағы Тарих және этнология институтының өкілдері, Омбы кадет корпусы мен қазақстандық қоғамдық ұйымдардың жетекшілері қатысты.
Дөңгелек үстелдің негізгі мақсаты – жас ұрпақ арасында қазақ және орыс халықтарының ұлтаралық бірлігі мен достығын нығайтуда, жастарды патриоттық рухта тәрбиелеуде, халықтың тарихын, мәдениеті мен дәстүрлерін құрметтеуде маңызды рөл атқаратын Ұлы ғалымның мұрасын насихаттау болды.
