Қазақстан Республикасының Ресей Федерациясындағы Елшілігі

Дөңгелек үстелге Ресей Федерациясының Қоғамдық палата мүшелері, РФ Қоғамдық палата сарапшылары, Мемлекеттік Думасының және Федерация Кеңесінің өкілдері, Ресей Федерациясындағы Қазақстан Республикасы елшілігінің, министрліктер өкілдері, білім беру және мәдениет мекемелерінің басшылары, диаспора өкілдері, үкіметтік емес ұйымдар, сарапшылар, ғалымдар, мұғалімдер, өнер қайраткерлері, этнографтар, фольклорлық топтардың жетекшілері, халық өнер және қолөнер шеберлері, Мәскеу қаласының ұлттық шығармашылық және мәдени бірлестіктерді, Ресей облыстары және шетелдерден (Қазақстан Республикасы) Ресей халықтарының ұлттық салт-дәстүрін зерттеушілер қатысты.

Дөңгелек үстелде Мемлекеттік тілді дамыту қорының директоры Азат Шауеев қатысушыларға Қордың оқу, мәдени, ғылыми, шығармашылық жобалары, мысалға, қазақ тілін тегін оқытуға арналған Soyle.kz онлайн курсын, Abaialemi.kz онлайн энциклопедиясын, Tattialma.kz балалар әдебиеті сайтын, "Кім білгіш?" интеллектуалды-танымдық онлайн ойынын, "Менің Казақстаным", "Ұлы тұлғалар", "Қазақстан мерекелері" мобильді қосымшаларын, "Рухани жаңғыру" бағдарламасын жүзеге асыру мақсатында әзірленген Qazaqstan3D Қазақстанды таныстырудағы ерекше  мультимедиялық жолсерігін, қазақ халқының ұлттық дәстүрлері мен салт-дәстүрлерін, мәдени, әдеби, рухани жетістіктерін сақтауға ықпал ететін "Жеті қазына" мобильді энциклопедиялық- қосымшасын, сонымен қатар смартфондар мен планшеттерға арналған латын әріптерімен қазақша пернетақта Qazaq Latyn Keyboard жаңа жобасын таныстырды.

Осы іс-шара аясында Мемлекеттік тілді дамыту қоры Мәскеудегі және РФ облыстарындағы қазақ диаспораларының өкілдерімен "Рухани жаңғыру" бағдарламасының негізгі мақсаттарын түсіндіру, қазақ халқының ұлттық салт-дәстүрлерін, мәдениетін, әдеби және рухани жетістіктерін сақтау тақырыбында кездесулер өткізді.